Population genetic analysis and characterization of nuclear gene regions and mitogenomes in four European "Donax" species

Resumo

A cadelucha Donax trunculus é un importante recurso marisqueiro en Europa que se atopa en regresión nos bancos naturais galegos (noroeste de España). Actualmente, en Galicia, só as cofrarías de Arousa e Cedeira comercializan esta especie, poñendo de manifesto o seu declive. Co propósito de conservar, xestionar e recuperar este recurso de maneira eficaz, realizáronse as seguintes análises xenéticas: En primeiro lugar, a avaliación xenético-poboacional de bancos naturais da Península Ibérica mediante marcadores de ADN mitocondrial (16S e Citb) para coñecer a diversidade xenética e a estrutura poboacional. Ademais, ante a presenza de Donax vittatus na costa atlántica da Península Ibérica, como outra especie para conservar e/ou xestionar, foi necesario o desenvolvemento de marcadores moleculares para caracterizar os seus bancos naturais e levar a cabo estudos similares aos realizados para D. trunculus. Así mesmo, dada a existencia doutras especies do xénero Donax (Donax semistriatus e Donax variegatus) na área de distribución a analizar, caracterizáronse o ADNr 5S, os espaciadores transcritos internos (ITS1 e ITS2), e os xenomas mitocondriales nas catro especies obxecto de estudo co fin de obter marcadores especieespecíficos para súa identificación e construír as relacións filoxenéticas dentro da orde Veneroida.